Newidiadau arfaethedig i wasanaethau newyddion a chylchgronau mewn llyfrgelloedd

Hoffem glywed eich barn am ein cynnig gwasanaeth cynlluniedig ar gyfer 2021 a sut gallwn eich helpu i wneud yn fawr o'r adnoddau hyn.

Ein hamrywiaeth o wasanaethau cynlluniedig ar gyfer 2021

Newyddion ar-lein a digidol
Mae Llyfrgelloedd Abertawe'n bwriadu cyflwyno PressReader https://www.pressreader.com/ i holl ddefnyddwyr y llyfrgell. Bydd PressReader yn darparu papurau newydd rhyngwladol, cenedlaethol, rhanbarthol a lleol mewn fformat y gellir ei lawrlwytho, gyda lluniau, a bydd hyd at 3 mis o gyhoeddiadau blaenorol ar gael. Mae nodweddion yn cynnwys yr opsiwn i newid i fformatau mwy hygyrch a'u cyfieithu i ieithoedd gwahanol.

Bydd PressReader ar gael yn yr holl lyfrgelloedd ac i bob aelod o'r llyfrgell ei ddefnyddio'n unrhyw le ar ddyfais symudol. Mae hyn yn unol â'r cam a gymerwyd gan wasanaethau llyfrgelloedd cyffredinol yng Nghymru i geisio cynnig mwy o bapurau newydd ar-lein a llai o bapurau newydd printiedig.

Bydd Llyfrgelloedd Abertawe hefyd yn parhau i ddarparu mynediad at gynnwys papurau newydd y gellir chwilio drwyddo drwy NewsBank, at ddibenion gwaith cartref ac i gael gwybodaeth am nifer o bynciau. Mae papurau newydd rhanbarthol hanesyddol y DU hefyd ar gael ar ffurf digidol a chwiladwy drwy The British Newspaper Archive https://wales.ent.sirsidynix.net.uk/client/cy_GB/swan_cy/.

Mae cyflwyno Overdrive eisoes wedi cynyddu argaeledd cylchgronau ar-lein i aelodau'r llyfrgell yn 2021, drwy danysgrifiad cenedlaethol ac ap Libby https://swanseauk.overdrive.com.

Ein papurau newydd argraffedig yn 2021
I ategu'r cynnig ar-lein cyffredinol rydym yn bwriadu cynnig copïau caled o'r canlynol i'w darllen yn ein llyfrgelloedd:

Yn Llyfrgell Ganolog Abertawe:

South Wales Evening Post (dydd Llun i ddydd Sadwrn)
Daily Mail (ar ddiwrnodau y mae'r llyfrgell ar agor)
Daily Mirror (ar ddiwrnodau y mae'r llyfrgell ar agor)
Guardian (ar ddiwrnodau y mae'r llyfrgell ar agor)
Papur newydd I (ar ddiwrnodau y mae'r llyfrgell ar agor)
Times (ar ddiwrnodau y mae'r llyfrgell ar agor)
Western Mail (ar ddiwrnodau y mae'r llyfrgell ar agor)
Sunday Telegraph
Wales on Sunday
Sunday Mirror
Y Cymro
Art Review
History Today
Literary Review
National Geographic
New Scientist
Time
Which?
Holiday Which?
Barn
Golwg
Lingo Newydd
Wcw a'i Ffrindiau

Mewn llyfrgelloedd cymunedol (lle bydd gwasanaethau lleol yn gallu cynnig y canlynol):

South Wales Evening Post (ar ddiwrnodau y mae'r llyfrgell ar agor)
Papur newydd I (ar ddiwrnodau y mae'r llyfrgell ar agor)
Cyfnodolion Cymraeg (mewn llyfrgelloedd dethol)

Mae rhesymau dros y newidiadau hyn i'n gwasanaeth yn cynnwys y canlynol:

Nid yw rhai llyfrgelloedd cymunedol yn derbyn papurau newydd yn ddyddiol felly mae argaeledd ar draws y llyfrgelloedd wedi bod yn anghyfartal.
Ni fyddai angen atal gwasanaethau ar-lein at ddibenion iechyd a diogelwch, fel y bu'n rhaid gwneud gyda chopïau caled dros y flwyddyn ddiwethaf.
Mae cynnydd mewn pris cyhoeddiadau argraffedig a'r ffaith bod nifer o gwmnïau ar fin atal cyhoeddi papurau o gwbl yn golygu bod angen ffordd fwy cynaliadwy a dibynadwy o ddarparu mynediad at gynnwys papurau newydd a gwneud y defnydd gorau o'r adnoddau sydd ar gael gennym.
Mae digidol yn caniatáu i fwy nag un cwsmer ar y tro ddarllen papur newydd ar unrhyw bryd; ni fydd copïau'n mynd ar goll neu'n cael eu difetha.Bydd amrywiaeth eang o deitlau ar gael i bob aelod o'r llyfrgell, gyda mwy o fynediad at gyhoeddiadau blaenorol.Bydd eich papur newydd ar gael 24/7 o'r dyddiad cyhoeddi.
Bydd ystod fwy amrywiol o deitlau ar gael mewn amrywiaeth o ieithoedd, ac felly bydd yn decach ac yn fwy adlewyrchol o'n cymunedau lleol.
Mae PressReader yn cynnwys nodweddion hygyrchedd fel closio at y testun a swyddogaethau testun ar lafar, sy'n mynd i'r afael ag anghydraddoldebau sy'n gysylltiedig â darparu print safonol yn unig.
Bydd yr effaith amgylcheddol o gael gwared ar bapurau newyddion copi caled yn lleihau.
Bydd darparu dyfeisiau i gwsmeriaid nad oes ganddynt eu dyfeisiau eu hunain i ddarllen teitlau digidol yn helpu i sicrhau mynediad i bawb.
Darperir cyngor, arweiniad ac arddangosiadau i helpu cwsmeriaid i ddefnyddio'r gwasanaethau newydd, os dymunant.

I grynhoi - rydym am gynnig tanysgrifiad ar-lein sy'n cynnig gwell gwerth am arian yn ogystal â darpariaeth decach, lawnach a mwy dibynadwy. Byddwn hefyd yn cynnig detholiad o ddeunyddiau argraffedig sy'n gytbwys, yn gynaliadwy ac yn gymesur ac sy'n ategu'r deunydd digidol.